Christus - Ons "comfort zone" - 6 Junie 2007

Ons is besig om die hele rus ding lekker in die drom te maal. Ons kan maar net nie wegbly daarvan nie! Ons sien ook hoe hierdie was deur die waterbad van die woord getuienisse meebring in ons lewens.

Die kosbare Waarheid van Christus word nooit 'boring' nie. Ons kan week na week na... oor dieselfde topic gesels en meer opgewonde raak as die vorige. Die 'fussinezz' in die spieël (2 Kor 3:18) raak al hoe minder en minder. Die beeld van God raak al helderder. God se beeld verander nie. Sy beeld bly altyd dieselfde. Die interpretasie van daardie beeld verander net van heerlikheid tot heerlikheid.

WAT SIEN JY?

Sien jy God se beeld of sien jy die natuurlike mens se beeld? Is jy al daar in hemelse plekke of moet jy nog daar kom? Wat se waarde heg jy aan die Waarheid? Wat verstaan jy omtrent die feit dat jy in die dispensasie van die Geloof lewe?

WAT SIEN JY?

-Elmer

Paar kosbare inleidende gedagtes:

• As Christus jou "comfort zone" is, kan niks jou regtig uit jou "comfort zone" skuif nie!



• Om iemand te vergewe is om die persoon met onskuld te beklee. Wow!
  Spr 19:11 Die verstand van ‘n mens maak hom lankmoedig, en dit is vir hom ‘n eer om die oortreding te vergewe.

1. Lankmoedigheid

Spr 19:11 Die verstand van ‘n mens maak hom lankmoedig
Spr 16:32 Die lankmoedige is beter as ‘n held; en hy wat sy gees beheers, as een wat ‘n stad inneem.
Psa 37:34 Don't be impatient for the Lord to act! Keep traveling steadily along His pathway and in due season He will honour you with every blessing, and you will see the wicked destroyed.

Baie dinge wat ons hoop en glo sien ons nie nou nie. Dit beteken nie dat dit nie die Waarheid is nie. Lankmoedigheid is uithouvermoë. Dis om teen hoop op hoop te glo, terwyl jy rus (comfort zone) in die Here

2. Ons gedagtes en God se gedagtes

Ons kan uit intieme verhouding met die Here in ons wandel so vervleg wees met Hom dat ons gedagtes een raak. Voordat ek Hom nog vra sien ek dit omdat my gedagtes een is met Hom.
Joh 16:23 En in daardie dag sal julle My niks vra nie. Voorwaar, voorwaar Ek sê vir julle, alles wat julle die Vader sal vra in my Naam, sal Hy julle gee.

Psa 37:4 en verlustig jou in die HERE; dan sal Hy jou gee die begeertes van jou hart.
Mat 6:31-33 Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie? (32) Want na al hierdie dinge soek die heidene; want julle hemelse Vader weet dat julle al hierdie dinge nodig het. (33) Maar soek eers die koninkryk van God en sy geregtigheid, en al hierdie dinge sal vir julle bygevoeg word.

3. RUS

Ons kan net nie wegkom van hierdie onderwerp nie. Maar in Sy rus is die plek waar ek wil wees. Daar is geen veroordeling nie en soveel vrymoedigheid om net te wees. Dit is soos die droeë amandeltak wat in die heerlikheid van die Here begin blom. Ons sien die prentjie van hoe 'n man in die droë woestyn stap en waar hy sy voet neersit spring die blomme op.

NB - JY KAN NIE UIT WERKE PROBEER OM IN SY RUS TE KOM NIE!!

Jy kan nie die rus "sien" as jy nie in die rus is nie, net soos jy nie die lig kan sien as jy nie in die lig is nie. Om jouself te beywer om in die rus in te gaan is net om jouself toe te laat om in die rus in te gaan. Jy kom op die plek wat jy net weer sien dat jy reeds daar is, en jy herinner jouself daaraan. Dit is 'n bewuswording van die werk wat Hy reeds gedoen het. "Beywer" is nie 'n werk nie!! As ek dit sien as 'n plek wat ek nog moet bereik, 'n plek waar ander al is en ek nog nie, dan mis jy dit. JY IS REEDS DAAR.
Heb 3:18-19 En aan wie het Hy gesweer dat hulle in sy rus nie sal ingaan nie, behalwe aan die ongehoorsames? (19) En ons sien dat hulle deur ongeloof nie kon ingaan nie.

Heb 4:1-13 Laat ons dan vrees dat, terwyl die belofte om in sy rus in te gaan nog standhou, dit nie miskien sal blyk dat iemand van julle agtergebly het nie. (2) Want aan ons is die evangelie ook verkondig net soos aan hulle; maar die woord van die prediking het hulle nie gebaat nie, omdat dit by die hoorders nie met die geloof verenig was nie. (3) Want ons wat geglo het, gaan die rus in, soos Hy gesê het: Daarom het Ek in my toorn gesweer, hulle sal in my rus nie ingaan nie—alhoewel sy werke van die grondlegging van die wêreld af volbring is. (4) Want Hy het êrens van die sewende dag so gespreek: En God het op die sewende dag van al sy werke gerus; (5) en nou hier weer: Hulle sal in my rus nie ingaan nie. (6) Terwyl dit dan so is dat sommige daar ingaan, en diegene aan wie die evangelie eers verkondig is, deur ongehoorsaamheid nie ingegaan het nie, (7) bepaal Hy weer ‘n sekere dag, naamlik vandag, as Hy soveel later deur Dawid spreek, soos gesê is: Vandag as julle sy stem hoor, verhard julle harte nie. (8) Want as Josua aan hulle rus gegee het, sou Hy nie van ‘n ander dag daarná spreek nie. (9) Daar bly dus ‘n sabbatsrus oor vir die volk van God; (10) want wie in sy rus ingegaan het, rus ook self van sy werke soos God van syne. (11) Laat ons ons dan beywer om in te gaan in dié rus, sodat niemand in dieselfde voorbeeld van ongehoorsaamheid mag val nie. (12) Want die woord van God is lewend en kragtig en skerper as enige tweesnydende swaard, en dring deur tot die skeiding van siel en gees en van gewrigte en murg, en is ‘n beoordelaar van die oorlegginge en gedagtes van die hart. (13) En daar is geen skepsel onsigbaar voor Hom nie, maar alles is oop en bloot voor die oë van Hom met wie ons te doen het.

Om nie in geloof te wandel nie, maar in ongehoorsaamheid, dus ongeloof, maak dat jy nie in die rus van die Here gaan nie. Om in geloof te wandel is om in rus te wees.

Jes 32:17 En die werking van die geregtigheid sal vrede wees, en die voortbrengsel van die geregtigheid rus en veiligheid tot in ewigheid.

Psa 127:1-2 ‘n Bedevaartslied. Van Salomo. As die HERE die huis nie bou nie, tevergeefs werk die wat daaraan bou; as die HERE die stad nie bewaar nie, tevergeefs waak die wagter. (2) Tevergeefs dat julle vroeg opstaan, laat opbly, brood van smarte eet—net so goed gee Hy dit aan sy beminde in die slaap!

4. Getuienis

Die volgende is nou nie 'n reseppie van hoe om in die rus van die Here to kom of te wandel nie, maar 'n boeta se ervaring van Jes 30:15 - In terugkeer en rus lê julle heil. Dit is sy begeerte om soos Abraham 'n vriend van God genoem te word en in intimiteit met God wandel. Ons word egter net so ingesluk deur ons "to-do" lysies en omstandighede. Ons hardloop rond sonder om rustig te raak en mis uit op wat Hy vir ons het.

Ps37:4 en verlustig jou in die HERE; dan sal Hy jou gee die begeertes van jou hart.

Jes 30:15 Want so sê die Here HERE, die Heilige van Israel: In terugkeer en rus lê julle heil, in stil wees en vertroue bestaan julle krag; maar julle wou nie

Hy het toe 'n besluit gemaak om hom in die oggende te verlustig in die Here nie omdat dit die regte ding is om te doen nie, maar om rustig te raak in Hom.
Sy ervaring was dat om in die rus van die Here te wandel, om bewus te wees van die Here se rus, verander jou dag in heerlikheid. Daar word hoop in jou hart geskep en die saad van die Here le in jou hart.

Rom 8:24 Want ons is gered in hoop; maar die hoop wat gesien word, is geen hoop nie; want wat iemand sien, waarom hoop hy dit nog?

5. Skeiding tussen siel en gees

Daar is 2 scenario's:

Verkeerde scenario A. God is bo in die hemele en ek is hier op aarde. Ons is so ver uitmekaar en Sy wee is nie my wee nie..... Dit het die volgende tot gevolg - onderdanigheid, gehoorsaamheid, minderwaardigheid, het nog 'n middelaar nodig, krone en belonings, en 'n konstante gevoel dat ek nog daar moet uitkom.

Korrekte , ware scenario B. God is in die hemel en my geesmens sit saam met Hom in hemelse plekke in Jesus Christus. Die skeiding tussen gees en vlees is massive.
Heb 4:12 Want die woord van God is lewend en kragtig en skerper as enige tweesnydende swaard, en dring deur tot die skeiding van siel en gees en van gewrigte en murg, en is ‘n beoordelaar van die oorlegginge en gedagtes van die hart.
Ek is reeds daar en my middelaar is JESUS!! Die posisie het Hy aan my kom gee as 'n geskenk en ek kan niks doen om dit te verdien nie. Dit is my stand in Hom. Daarom:
Kol 3:1-4 As julle dan saam met Christus opgewek is, soek die dinge daarbo waar Christus is en aan die regterhand van God sit. (2) Bedink die dinge wat daarbo is, nie wat op die aarde is nie. (3) Want julle het gesterwe, en julle lewe is saam met Christus verborge in God. (4) Wanneer Christus, wat ons lewe is, geopenbaar word, dan sal julle ook saam met Hom in heerlikheid geopenbaar word.

Gal 2:20 Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het.

My vleesmens wat nou op die aarde is, is 'n lewe deur geloof. Dit is asof ek in hemelse plekke sit en net 'n "verteenwoordiger" van myself op aarde het. Hierdie "verteenwoordiger" het die keuse om 'n dienskneg van sonde of van geregtigheid te wees.Dit is die mees praktieste verduideliking wat ek van wandel met die Here nog gehad het. Met dit in gedagte lees nou weer Romeine 6
Rom 6:1-23 Wat sal ons dan sê? Sal ons in die sonde bly, dat die genade meer kan word? (2) Nee, stellig nie! Ons wat die sonde afgesterf het, hoe kan ons nog daarin lewe? (3) Of weet julle nie dat ons almal wat in Christus Jesus gedoop is, in sy dood gedoop is nie? (4) Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in ‘n nuwe lewe kan wandel. (5) Want as ons met Hom saamgegroei het deur die gelykvormigheid aan sy dood, sal ons dit tog ook wees deur dié aan sy opstanding; (6) aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie. (7) Want hy wat gesterf het, is geregverdig van die sonde. (8) As ons dan saam met Christus gesterf het, glo ons dat ons ook saam met Hom sal lewe, (9) omdat ons weet dat Christus, nadat Hy opgewek is uit die dode, nie meer sterf nie. Die dood heers oor Hom nie meer nie. (10) Want die dood wat Hy gesterf het, het Hy vir die sonde eens en vir altyd gesterwe; maar die lewe wat Hy leef, leef Hy vir God. (11) So moet julle ook reken dat julle wel vir die sonde dood is, maar lewend is vir God in Christus Jesus, onse Here. (12) Laat die sonde dan in julle sterflike liggaam nie heers dat julle aan sy begeerlikhede gehoorsaam sou wees nie. (13) En moenie julle lede stel tot beskikking van die sonde as werktuie van ongeregtigheid nie, maar stel julleself tot beskikking van God as mense wat uit die dode lewend geword het, en julle lede as werktuie van geregtigheid in die diens van God. (14) Want die sonde sal oor julle nie heers nie; want julle is nie onder die wet nie, maar onder die genade. (15) Wat dan? Sal ons sonde doen, omdat ons nie onder die wet is nie maar onder die genade? Nee, stellig nie! (16) Weet julle nie dat aan wie julle julself as diensknegte tot beskikking stel om hom gehoorsaam te wees, julle diensknegte is van hom aan wie julle gehoorsaam is nie òf van die sonde tot die dood, òf van die gehoorsaamheid tot geregtigheid? (17) Maar ons dank God dat julle wel diensknegte van die sonde was, maar van harte gehoorsaam geword het aan die voorbeeld van die leer wat aan julle oorgelewer is, (18) en, vrygemaak van die sonde, het julle diensbaar geword aan die geregtigheid. (19) Ek spreek menslikerwys ter wille van die swakheid van julle vlees; want net soos julle jul lede diensbaar gestel het aan die onreinheid en wetteloosheid om wetteloos te wees, so moet julle nou jul lede diensbaar stel aan die geregtigheid tot heiligmaking. (20) Want toe julle diensknegte was van die sonde, was julle vry van die geregtigheid. (21) Watter vrug dan het julle toe gehad van die dinge waaroor julle jul nou skaam? Want die uiteinde daarvan is die dood. (22) Maar nou dat julle vrygemaak is van die sonde en diensbaar geword het aan God, het julle jul vrug tot heiligmaking en uiteindelik die ewige lewe. (23) Want die loon van die sonde is die dood, maar die genadegawe van God is die ewige lewe in Christus Jesus, onse Here.

In vers 22 se dit dat as ek my lede of my "vlees verteenwoordiger" stel as dienskneg van die geregtigheid en myself dood te reken vir die sonde, sal die vrug op my lewe heiligmaking wees!! Dis nie iets wat ek najaag nie, maar die vrug van 'n lewe in oorgawe. Jesus het in elk geval reeds vir ons heiligmaking geword:
1Kor 1:30 Maar deur Hom is julle in Christus Jesus, wat vir ons geword het wysheid uit God en geregtigheid en heiligmaking en verlossing.

6. Daders van die woord
Jak 1:22 En word daders van die woord en nie net hoorders wat julleself bedrieg nie. Jesus was die volmaakte "dader van die woord", en noudat ons lewe in Christus is, is dit ook wat ek is. Ek probeer nie nou nie uit die vlees om 'n dader te wees nie, maar om my te vervleg met Hom. Nou -
Jak 1:23 Want as iemand ‘n hoorder van die woord is en nie ‘n dader nie, dié is soos ‘n man wat sy natuurlike gesig in ‘n spieël sien;

As ek nie snap dat ek reeds in Jesus is nie, en nie snap die volmaakte werk wat Hy vir my gedoen het nie, kyk ek in die spieel en sien ek die vleesmens, die natuurlike gesig, en vergeet.

As ek egter weet wie ek in Hom is, kyk ek in die spieel en sien ek Hom!!!!!!!!!!!!!!
2Kor 3:18 En terwyl ons almal met onbedekte gesig soos in ‘n spieël die heerlikheid van die Here aanskou, word ons van gedaante verander na dieselfde beeld, van heerlikheid tot heerlikheid, as deur die Here wat die Gees is.

Vreder